قصه رائعة لن اسمح برحيلك الجزء الثالث

نبيل نتا هو لي خليتني نعرف شاهيا دنيا مليح. نتا لي علمتني نضحك و خليتني نعيش. نتا لي رديتلي روحي لي كانت ميتة. منخليكش تروح. و محال نخليك تروح قبل ما نشوفو ولادنا لزوج. فوت هاذيك 24 ساعة عند راسه وانا غي نبكي و ندعي حتى ناض. قالي يا عمري راكي هنا. متخافيش راني مليح. قالي اي راني مريض لا. قتلو كيفاه متقوليش. علاه مكنتش تشكيلي. مش كنت تقولي نتي لي عندي في حياتي و منخبي عليك حتى حاجة. قالي مبغيتش نزعفك هاذا مكان بسك تاليتها راهي باينة. سارة انا مغاديش نطول. مبقاليش بزاف يليق تتقبلي هاذ حاجة. انا ثم قعدت نعيط و نبكي بجهدي. لا محال نخليك تروح. محال نخليك تفارقني انا

منجمش نعيش بلا بيك نبيل. لي صرا لماما منخليهش يصرالك نتا ثاني. من موراها رحنا للدار. قبل ما ندخلو حلفت عليه يقول واه على اي حاجة نقولهاله قالي صاحا. درته فوق راسي مخليتوش ينوض من بلاصته. رحت شفت فاليوتيوب اعشاب يعالجو هاذا مرض. و درتله كلشي كلشي. و هو كان يضحك عليا دايمن يقولي راكي دايرتني فأر تجارب كان دايهت ضحك. مي انا قلبي كان يتقطع من داخل. فات شهر على ذي حابة. وحد ليلة كان نبيل راقد. وانا قاعدة عند راسه مجانيش رقاد و قعدت نتفكر في هدرة طبيب كي قالي بقاله شهرين و يموت و ذرك فات شهر. مبعد قلت انا شاراني نقول و نفكر. رفدت تلفوني رحت لڨوڨل و قعدت نحوس على

المرض تع نبيل و ربي ما فيه غي خير. لقيت بلي كاين طبيب في باريس و يقدر يعالج حالات كيما تع نبيل. ثما حسيت بالرحمة تع ربي نزلت عليا. من الفرحة نوضت نبيل من رقاده و حكيتلو و قتله غدوا صباح نقلعو. عيا يهدر معايا. عيا يعيط عليا.قالي كيفاه نروحو ونتي في شهرك سادس قتله واه صباح نروحو منحوسش نفهم. كسرتلو راسو بالهدرة حتى قالي صحا معليش نروحو. رحنا لفرنسا وكي وصلنا للطبيب و شاف نبيل قالنا واه نقدر نعالج الحالة تاعو. بصح نسبة الشفاء تاعه قليلة بسك المرض تطور. قتله معليش دوكتور راني مأمنة في ربي بلي غادي يشفيه و يرجعلي. خزر فيا نبيل و قالي راكي غي تشكلي. قتله نتا متشقاش تهدر. فات شهر تع علاج و نبيل كان يعيا بزاف. وصل وين نقص 30 كيلو.وحد نهار قاللنا طبيب بلي

العلاج كمل و غادي نديرو تحاليل باه نعرفو نتيجة. لا كانت ايجابية ولا سلبية. قتلو كيفاه دكتور قالي اذا كانت ايجابية يعني برا و اذا كانت سلبية ما عندنا ما نديرو للأسف. انا ثم كنت شادة يد نبيل و دموع يهودو وحدهم بصح كان املي كبير و جا نهار لي نعرفو فيه نتيجة. كان عاد مجاش دورنا قعدنا نستناو. جمعنا انا و نبيل. حتى قالي... سارة لا كانت نتيجة عكس ما راكي متوقعة متشقايش تزعفي و تبكي. هاذ هيا دنيا و ڨاع غادي نروحو. و نوصيك على حاجة برك اتهلاي في ولادي و سميهم هيثم و ايناس. قتله نتا غادي تتهلا فيهم ونتا لي غادي تسميهم . انا قلبي

نحرق شحال من خطرا و ناره طفات غي بيك. حتى سمعنا اسمنا قتله نتا ريح هنا و انا غادي ندخل. دخلت عند طبيب وانا نرجف. جمعت على الكرسي قتله الله يخليلك العزيز عليه فرحني. قالي نبيل شفا و ما بيه والو و العلاج فاده 100٪ ثما نضت بالثقل تاعي و جريت عندو عنقتو. و قعدت نشهق بالبكا. قالي سارة معليش ربي بغا هاك. شفت فيه و قتله عندك الحق ربي بغاك تزيد تعيش معايا كثر. انا عيطت لبابا خبرتو بلي نبيل برا و مفيه والو فرحلي بابا و قالي تستاهلي و ربي يهنيك في حياتك و طاطا امينة كي سمعت هبلت معجبهاش الحال. و اكرم طلق شهرة بسك فاقلها بلي هي لي بعثت تصاوري ليه و عيطلي ندمان و بغا يرجع ليا بصح فات الوقت و ربي عوضني براجل منلقاش كيفو ربي يخليهلي

#النهاااااية